Si Ms. Myrna Roluna ay bumisita sa programa ni idol Raffy Tulfo sa Wanted sa Radyo para ireklamo ang kaniyang kasalukuyang kinakasama.
Humihingi ng tulong si Myrna sa show host na hiwalayan ang kaniyang kinakasama na si Mr. Santie Delos Santos dahil hindi na nagiging maganda ang kanilang pagsasama at pagod na pagod na daw ang kaniyang puso.
Ayon kay Myrna nakilala niya si Santie na nagtratrabaho bilang isang security guard sa kanilang subdivision. Tinaggap nya raw ito na magiging nobyo dahil nagpakita ito ng mga magagandang bagay sa kaniya.
“Nakilala ko po siya dahil security guard po siya sa aming subdivision. Tinanggap ko po siya dahil sa una po’y nagpakita po siya sa akin ng good,” sabi ni Myrna.
Subalit ang pinaka-rason kung bakit pagod na pagod na ang puso ni Myrna sa kinakasama dahil ayon sa kaniya pangalawang beses na itong nambababae.
Para maliwanagan ang sitwasyon, nasa studio din ng TV5 si Santie para makapagbigay din ng kaniyang panig.
Si Santie ay 40-years-old habang si Myrna naman ay 55-years-old.
Ipinaliwanag ni idol Raffy sa kay Santie na pagod na pagod na ang puso ni Myrna dahil sa kaniyang pagkabababaero.
Ito naman ay itinatanggi ni Santie.
“Idol, hindi po ako babaero,” sabi ni Santie.
Panoorin ang video na nasa itaas para malaman ang buong detalye ng kanilang kwento.